Notify Blogger about objectionable content.
What does this mean?

blogspotInit();

இணைந்து இருங்கள்

[Eurobird 9] Star Vijay TV has launched in Europe again on Eurobird 9A (9 degree East)

சம்பூரில் மின் நிலையம் அமைக்கும் அரசின் முயற்சியை ததேகூ கண்டிப்பு.

28 December 2006

சம்பூரில் அவசர அவசரமாக அனல் மின்நிலையத்தை நிறுவ அரசு மேற்கொண்டுவரும் முயற்சியை தமிழ்த் தேசியக் கூட்டமைப்பு வன்மையாகக் கண்டித்துள்ளது.
திருகோணமலை மாவட்ட தமிழ்த் தேசியக் கூட்டமைப்பு நாடாளுமன்ற உறுப்பினர்களுடன் கலந்தாலோசிக்காமல் அரசு எடுத்திருக்கும் இத்தீர்மானம் பிழையானது என்றும் தமிழ்ப் பிரதேசங்களை ஆக்கிரமிப்பதற்காகவே அரசு இவ்வாறு செயற்படுகிறது என்றும் கூட்டமைப்பு குற்றம் சுமத்தியுள்ளது.
இது தொடர்பாக தமிழ்த் தேசியக் கூட்டமைப்பின் திருகோணமலை மாவட்ட நாடாளுமன்ற உறுப்பினர் துரைரட்ணசிங்கம் கருத்துக் கூறுகையில்,
11 ஆயிரம் தமிழ் மக்கள் வாழ்ந்த இடம் சம்பூர். அந்த மக்களைத் திட்டமிட்டு விரட்டி விட்டு அந்த இடத்தை அரசு ஆக்கிரமித்துள்ளது.
விரட்டப்பட்ட மக்கள் இப்போது அகதி முகாம்களில் சீரழிந்து கொண்டிருக்கின்றனர். அவர்கள் மீண்டும் சம்பூரில் வந்து குடியேறாதவாறு அரசு நடவடிக்கைகளை மேற்கொண்டு வருகிறது.
அதற்காகவே அவசர அவசரமாக அங்கு அனல் மின்நிலையத்தை நிர்மாணிக்க அரசு தீர்மானித்துள்ளது. அரசு பொருத்தமில்லாத நேரத்தில் இத்திட்டத்தை முன்னெடுத்துச் செல்கிறது.
இத்திட்டத்தைத் தொடங்குவதற்கு முன் அரசு எம்மிடம் கலந்தாலோசித்திருக்க வேண்டும். ஆனால், அப்படிச் செய்யவில்லை. காயப்பட்ட தமிழ் மக்களின் துயரை ஆற்று வதற்குப்பதிலாக அவர்களை மேலும் மேலும் காயப்படுத்தவே அரசு முனைகிறது.
அரசின் இத்திட்டத்தை தமிழ்த் தேசியக் கூட்டமைப்பினராகிய நாம் வன்மையாகக் கண்டிக்கிறோம். இத்திட்டத்தை நடைமுறைப் படுத்துவது பற்றி அரசு உடனடியாக மீள் பரிசோதனை செய்ய வேண்டும். எனவும் அவர் மேலும் தெரிவித்துள்ளார்.

posted by Norsri @ Thursday, December 28, 2006